اسلام آباد-01 ڊسمبر (اي پي پي)وزيراعظم محمد شهباز شريف پاڪستان پيپلزپارٽي سان تعلق رکندڙ اڳوڻي ايم اين اي مخدوم سيد علي حسن گيلاني جي ٽريفڪ حادثي ۾ لاڏاڻي تي افسوس جو اظهار ڪيو آهي. گذريل ڏينهن وزيراعظم آفيس جي ميڊيا ونگ مان جاري بيان موجب وزيراعظم مخدوم سيد علي حسن گيلاني جي لاڏاڻي تي ڏک ۽ افسوس جو اظهار ڪيو ۽ وارثن سان تعزيت جو اظهار ڪيو. وزيراعظم مرحوم جي مغفرت ۽ وارثن لاءِ صبر جي دعا ڪئي.
