اسلام آباد -18 نومبر (اي پي پي)رٿابندي، ترقي، سڌارن ۽ خصوصي قدمن واري وفاقي وزير احسن اقبال چيو آهي، ته پاڪستان آمريڪا ڪوريڊور تان پروگرام پاڪستان ۽ آمريڪا وچ ۾ تعليم ۽ تحقيق جي شعبي ۾ هڪ اهم سنگ ميل جي حيثيت رکي ٿو.هي پروگرام نه صرف ٻنهي ملڪن جي لاڳاپن کي مضبوط ڪري ٿو پر پاڪستاني شاگردن ۽ ماهرن کي عالمي سطح تي چٽاڀيٽي واريون سهولتون فراهم ڪري ٿو. يو ايس ايڊ جي تقريب کي خطاب ڪندي وفاقي وزير 7 ڏهاڪن تي ٻڌل پاڪ آمريڪا لاڳاپن جي ڪاميابي کي اجاگر ڪيو ۽ ٻه طرفي تعاون کي وڌيڪ مضبوط ڪرڻ جي عزم کي ورجايو. ان موقعي تي پاڪستان ۾ آمريڪي سفير ڊونلڊ بلوم ۽ يو ايس ايڊ مشن جي ڊائريڪٽر ويريا (ڪيٽ) سوم وونگسير به موجود هو. احسن اقبال چيو ته ٻنهي ملڪن وچ ۾ مختلف شعبن، خاص ڪري تعليم، انفراسٽرڪچر، توانائي ۽ ٽيڪنالاجي ۾ سهڪار جا وسيع موقعا موجود آهن. هي گڏيل تعاون نه رڳو ٻنهي طرفان لاڳاپن کي وڌيڪ گهرو ڪندو پر پاڪستان جي سماجي ۽ اقتصادي ترقي لاءِ به مددگار ثابت ٿيندو. هن چيو ته علائقائي ترقي ۽ خوشحالي لاءِ امن جو قيام مک حيثيت رکي ٿو، پاڪستان پنهنجي اسٽريٽجڪ اهميت کي نظر ۾ رکندي خطي ۾ رابطا ڪاري ۽ ترقي لاءِ حصيدار آهي. پاڪستان امريڪا لاڳاپن کي مضبوط ڪرڻ لاءِ گڏيل احترام ۽ گڏيل مقصدن تي ٻڌل حصيداري کي هٿي ڏيڻ وقت جي اهم ضرورت اهي. وفاقي وزير پاڪ آمريڪا لاڳاپن جي تاريخي بنياد تي روشني وڌي جيڪو دفاعي تعاون سان شروع ٿي هڪ مضبوط ترقياتي حصيداري ۾ تبديل ٿي چڪي آهي. هن تعليم، انفراسٽرڪچر ۽ اقتصادي ترقي تي توجهه ڏيندي سهڪار جي نون رخن کي هٿي ڏيڻ جي ضرورت تي زور ڀريو ته جيئن اڀرندڙ عالمي چئلينجز جو مقابلو ڪري سگهجي. قائداعظم محمد علي جناح جي لفظن جو حوالو ڏيندي هن چيو ته پاڪستان دنيا کان نٿو ڊڄي جڏهن ته سموريون قومون خاص ڪري آمريڪا سان جيڪو هميشه انصاف ۽ انسانيت جو ساٿ ڏيندو رهيو آهي، دوستاڻو ۽ خوشگوار لاڳاپا قائم ڪنداسين. احسن اقبال پاڪستان ۾ اقتصادي تعاون کي مڪمل ٿيڻ جي انفراسٽرڪچر منصوبن جي انقلابي اثرن کي ساراهيو. هن منگلا ڊيم ۽ تربيلا ڊيم جهڙن منصوبن جو حوالو ڏنو جيڪي اڄ به زراعت ۽ توانائي جي شعبن م ڪرنگهي جي هڏي جي حيثيت رکن ٿا. هن صحت، تعليم ۽ ٽرانسپورٽ جي شعبي م آمريڪي مالي معاونت جي منصوبن کي به ساراهيو جن لکين ماڻهن جي زندگين ۾ بهتري آندي آهي. وفاقي وزير زور ڀريو ته هي منصوبا نه صرف پاڪستان جي فوري ضرورتن کي پورو ڪن ٿا، پر ڊگهي مدي وارا پائيدار ترقي جا بنياد به رکن ٿا. هن 2013ع کان 2018ع تائين جي مسلم ليگ (ن) جي حڪومت دوران شروع ڪيل پاڪ آمريڪا ناليج ڪوريڊور کي تعليم ۽ تحقيق جي شعبي ۾ تعاون کي مضبوط بڻائڻ لاءِ هڪ اهم قدم قرار ڏنو. هن فل برائيٽ اسڪالرشپ پروگرام جو به ذڪر ڪيو جيڪو پاڪستان لاءِ دنيا جو سڀ کان وڏو پروگرام اهي ۽ هزارين پاڪستانين کي قومي ترقي م اهم ڪردار ادا ڪرڻ جي قابل بڻائڻو آهي. هن پاڪ آمريڪا واپاري لاڳاپن کي وڌيڪ وڌائڻ جي ضرورت تي زور ڀريو جنهن جو ڳاڻيٽو 2023ع ۾ 6.5 ارب ڊالرز کان وڌي ويو. هن آءِ ٽي، زراعت ۽ مينيوفيڪچرنگ جهڙن مک سعبن ۾ مارڪيٽ تائين وڌيڪ رسائي ۽ گڏيل منصوبن جو مطالبو ڪيو. هن چيو ته پاڪستان جيڪو ڏکڻ ايشيا، وچ ايشيا ۽ وچ اوڀر جي بيهڪ تي آهي، خطي ۾ رابطا ڪاري ۽ اقتصادي انضمام کي هٿي ڏيڻ ۾ آمريڪا جو فطري حصيدار آهي، مستقبل جي تعاون تي ڳالهائيندي وفاقي وزير ماحولياتي تبديلين، توانائي جي پائيداري ۽ غذائي تحفظ جهڙن عالمي چئلينجز کي منهن ڏيڻ جي اهميت کي اجاگر ڪيو. هن تجديد جوڳي توانائي، پائيدار زراعت ۽ جديد انفراسٽرڪچر م تحقيق تي زور ڀريو ته جيئن وڌيڪ مضبوط مستقبل جي تعمير ٿي سگهي. هن آمريڪا ۾ رهندڙ متحرڪ پاڪستاني ڪميونٽي کي ثقافتي، تعليم، ۽ اقتصادي لاڳاپن کي مضبوط بڻائڻ لاءِ شامل ڪرڻ جي ضرورت تي زور ڀريو. هن نئين آمريڪي انتظاميه تحت پاڪ آمريڪا حصيداري جي بحالي جي باري ۾ پراميد رهندي چيو آهي، ته گڏيل احترام ۽ تعميري ڳالهيون ئي گڏيل چئلينجز کي منهن ڏيڻ ۽ ترقي جي نون موقعن کي حاصل ڪرڻ جي ڪنجي آهي. هن امريڪا سان امن، خوشحالي ۽ ترقي جي مستقبل جي تعمير جي عزم کي ورجايو. هي تقريب پاڪ آمريڪا لاڳاپن کي مضبوطي ۽ پائيدار حصيداري جو ثبوت بڻي ۽ ٻنهي ملڪن جي گڏيل خوشحال ۽ مستحڪم مستقبل جي ويزن کي ورجايو.
