لاهور -10 نومبر (اي پي پي) وزيراعظم محمد شهباز شريف اتر وزيرستان جي علائقي اسپين وام ۾ فتنه الخوارج خلاف ڪامياب آپريشن تي سيڪيورٽي فورسز جي آفيسرن ۽ جوانن کي خراج تحسين پيش ڪندي 6 خوارجين کي جهنم ڀيڙو ۽ 6 کي زخمي ڪري گرفتار ڪرڻ تي سيڪيورٽي فورسز جي پيشيواراڻين صلاحيتن جي تعريف ڪئي. وزيراعظم آفيس جي ميڊيا ونگ طرفان جاري بيان ۾ وزيراعظم چيو ته دهشتگردي جي هن لعنت جي خاتمي تائين جنگ جاري رهندي. وزيراعظم محمد شهباز شريف چيو ته ملڪ ۾ دهشتگردي ۽ ڏڦيڙ پکيڙيندڙ ڌرين جي مڪمل خاتمي لاءِ پوري قوم سيڪيورٽي فورسز سان گڏ بيٺل آهي.
