ڪوئيٽا-11 نومبر (اي پي پي) ڪوئيٽا ريلوي اسٽيشن تي دهشتگردي جي واقعي کانپوءِ 11 کان 14 نومبر تائين سروس بند رکڻ جو فيصلو ڪيو ويو آهي. ريلوي جي ترجمان مطابق ڪوئيٽا جي ريلوي اسٽيشن تي ٿيل دهشتگردي جي واقعي کانپوءِ ڪوئيٽا کان ملڪ اندر هلندڙ ريلوي ٽرين جعفر ايڪسپريس، بولان ميل ۽ ڪوئيٽا کان چمن ويندڙ چمن پيسينجر جي سومر ڏينهن سروس معطل رهي، ريلوي اختيارين طرفان امن امان جي صورتحال کي نظر ۾ رکندي جعفر ايڪسپريس، بولان ميل ۽ چمن پيسينجر جي سروس کي 11 کان 14 نومبر تائين بند رکڻ جو فيصلو ڪيو ويو آهي. واضح رهي ته ريلوي اسٽيشن تي آپگهاتي ڌماڪي ۾ 27 ڄڻا فوت جڏهن ته ڪيترائي زخمي ٿي پيا هئا.
