گلگت – 06 – نومبر (اي پي پي) وزيراعظم محمد شهباز شريف وزيراعليٰ سيڪريٽريٽ گلگت بلتستان ۾ شهيدن جي يادگار تي حاضري ڀري ۽ گلن جي چادر چاڙهي. وزيراعظم محمد شهباز شريف گلگت بلتستان جي هڪ ڏينهن جي دوري تي هتي پهتو، وزيراعليٰ سيڪريٽريٽ اچڻ تي وزيراعظم کي روايتي لباس پهريل ٻارن گل پيش ڪيا. وزيراعظم محمد شهباز شريف جي اچڻ تي چيف منسٽر سيڪريٽريٽ گلگت بلتستان ۾ سندس اعزاز ۾ گارڊ آف آنر پيش ڪيو ويو. وزيراعظم چيف منسٽر سيڪريٽريٽ گلگت بلتستان ۾ شهيدن جي يادگار تي حاضري ڀري ۽ شهيدن جي يادگار تي گلن جي چادر چاڙهي. وزيراعظم گلگت بلتستان اسڪائوٽس جي قربانين کي خراج عقيدت پيش ڪندي چيو ته خطي ۾ امن قائم ڪرڻ ۽ ماڻهن جي جان ۽ مال جي حفاظت جي لاءِ گلگت بلتستان اسڪائوٽس جي نوجوانن جون قربانيون وسارڻ جوڳيون نه آهن.
