اسلام آباد – 22 – فيبروري (اي پي پي) نگران وزيراعظم انوارالحق ڪاڪڙ سان سنڌ جي گورنر ڪامران خان ٽيسوري ملاقات ڪئي ۽ ملڪي سياسي صورتحال تي ڳالهه ٻولهه ڪئي. وزيراعظم آفيس جي ميڊيا ونگ پاران جاري بيان موجب ملاقات ۾ متحده قومي موومينٽ جا اڳواڻ ڊاڪٽر فاروق ستار ۽ مصطفيٰ ڪمال پڻ موجود هئا. ملاقات ۾ سنڌ جي گورنر ۽ متحده قومي موومينٽ جي اڳواڻن نگران وزيراعظم جي قيادت ۾ نگران حڪومت جي ملڪ جي معاشي استحڪام جي لاءِ قدمن تي نگران وزيراعظم کي خراج تحسين پيش ڪيو.
