کوئټه۔19دسمبر(اے پی پی) نګران وزيراعظم يو وارې بيا باور وركړے چې ټول ټاكنې به پاكې او بې پرې وي ، د ټاكنو په ماحول كښې تورونه د معمول خبره ده ٬ د سياسي ګوندونو د ادعاګانو پرېكړه به د ټاكنو په ورځ اولس د خپلې رائے د لارې كوي٬ قام پرست ګوندونه دې د خپلې زاويې د لارې نه بلكې د حقيقت تر مخه څيزونو ته اوګوري٬ په بلوچستان كښی په پېسو شوې بهرتۍ منسوخ كړے شوي٬ د بلوچستان اولس له به’’وکټم کارډ‘‘ څخه وتل او خپلو ماشومانو ته د خوارۍ او هنر ترغيب وركول وي٬ ګورننس ښه كولو له مو بلوچستان ته غوره چارواكي وركړي دي ۔ ده د نهې په ميډيا سره خبرې كولې۔ په دې موقع د بلوچستان نګران وزيراعلی مير علي مردان خان ډومكي او وفاقي نګران وزير مرتضی سولنګي هم موجود وو۔ په بلوچستان كښې د ټاكنو په مهال د امنيتي وضعې په اړه د يوې پوښتنې په ځواب كښې ده ووئيل هيله ده چې امنيتي وضعه به ښه شي۔ د ټول ټاكنو څخه وروستو منظرنامې په اړه د يوې پوښتنې په ځواب كښې ده ووئيل ټول ټاكنې كول يو آئيني ضرورت دے٬ د دې نتيجې به څه وي په دې اړه خبره به و وخت نه وړاندې وي ۔ د يوې بلې پوښتنې په ځواب كښې نګران وزيراعظم ووئيل پنجرہ پل به د فرورۍ تر اخر يا د مارچ تر اولنو ورځو آپرېشنل شي۔ د يوې بلې پوښتنې په ځواب كښې ده ووئيل غېر قانوني بهرني خپلو هېوادونو ته ستنولې شي ٬ كومو كسانو چې د دوئي بېرته تلل غوښتل هغوي هم د دوئي د تللو په عمل ټكونه كوؤنكو كښې شامل دي۔ ده ووئيل د ټاكنو په عمل كښې د رائے كارولو حق به د چا وي او د چا نه ٬ دا پرېكړې الېكشن كمېشن له كول دي او مونږ دې سره هېڅ تعلق نه لرؤ۔ په كوئټه ښار كښې د ګاز سپلائي په اړه د يوې پوښتنې په ځواب كښې وزيراعظم ووئيل بلوچستان ته د ګاز سپلائي په اړه استثنی وركړې شوې ولې چې د يخنۍ په موسم كښې دلته د ګاز مسئله وي٬ نورو صوبو لپاره د ګاز سپلائي كمه كړې شوې ۔ د سي پېك د لويديز روټ په اړه د يوې پوښتنې په ځواب كښې ده ووئيل نګران حكومت د نوؤ منصوبو پېل كولو مېنډېټ نه لري ٬ د دې باوجود مو کوئټه خضدار کېرج وے لپاره سعودي او اماراتي فنډز څخه د فنډز ترلاسه كولو هڅه كړې ۔ زما په نزد په پخوانو منصوبو كښې دا تر ټولو زياته مهمه منصوبه ده۔ هيله ده چې تر فرورۍ مياشتې به په دې اړه ښه خبر رامخې ته شي۔ د يوې بلې پوښتنې په ځواب كښې ده ووئيل د غېر مقامي وګړو لخوا د بلوچستان ډوميسائل په بنياد د ملازمتونو ترلاسه كولو خبرې پخوانۍ دي ٬ د بلوچستان د بېلو سيمو خلق د يو بل په ډوميسائل هم اعتراضونه لري۔ د كال 1970 څخه وروستو كه د چا ډوميسائل غلط جوړ كړے شوے نو د دې په ضد به ضرور كارروائي كولې شي بيا هم نړۍ اوس ډېره وړاندې تلې ده او مونږ لا اوس هم په دې څيزونو كښې راګېر يؤ۔ ده ووئيل مونږ له به خپلو ماشومانو ته د خوارۍ تلقين كول وي٬ دوئي ته به هنر ښودل وي۔ د يوې بلې پوښتنې په ځواب كښې ده ووئيل چاته به د ملازمتونو د خرڅولو اجازه نه وركوؤ۔ په لس لس ٬ شل شل لكه روپۍ به نوكرۍ خرڅېدلې ٬ په ډوميسائل خلق خبره كوي او په دې نه كوي٬ په كومو بھرتيانو چې خلق د اربونو روپو د جائيدادونو مالكان جوړ شوي هغه مونږ كېنسل كړې دي۔ زيارت څخه تر ګوادر هر ځايې د نوكرۍ بيعه مقرر وه٬ چاهم د دې مخنيوې نه كولو ٬ مونږ دغه لړۍ بنده كړه۔ د بلوچستان د محرومو په اړه د يوې پوښتنې په ځواب كښې ڼكران وزيراعظم ووئيل د بلوچستان مسئلې پخوانۍ او د پېچلي نوعيت دي كومې چې ګورننس سره تعلق لري او په كومو كښې چې كردار د سياستمدارو او بېورو كرېسي دے۔ صوبائي حكومت د سول سروسز كسان غوښتي وو كوم چې مونږ رالېږلې دي دغسې چې په مېرټ آفيسرز تعينات كړې شي او اېډمنسټرېشن ښه شي۔ ده ووئيل د اشرافیه او کرپټ عناصرو يو اتحاد وو كوم چې ټوله صوبه محاصره كړې وه او د دغې د لاسه قامي خزانې ته زيات زيان رسېدو۔ مونږ چې څه هم ښه كولې شوو هغه مو كړي۔ د يوې بلې پوښتنې په ځواب كښې وزيراعظم ووئيل سرفراز بګټي د خپل سياسي تړون په اړه پخپله ځواب وركولے شي زما په كوم هم سياسي ګوند كښې د شاملېدو اراده نشته
