اسلام آباد 23 اپرېل (اے پي پي) اطلاعات او خپرونو لپاره د وزيراعظم خاص مرستيالې ډاكټر فردوس عاشق اعوان وئيلي دي پاکستان 48م هېواد دے چې د كرونا وباء ښكار دے ٬د دې نه وړاندې 47 هېوادونو كښې دا وائرس خپور شوے٬ د فرورۍ په شپږويشتمه نېټه وړمبنے كېس د زائرينو په صورت كښې رامخې ته شوے۔ د دې خيالاتو څرګندونه ډاكټر فرودس عاشق اعوان د اطلاعات او خپرونو د قائمه كمېټۍ غونډې په مهال كړې۔ دې ووئيل كه مونږ د هر ګوند سره تعلق لرو ټولو له په ګډه د وباء لاره نيول دي، حزب اختلاف ته پېرزوئنې وړاندې كوم چا چې قامي او د هېواد پراخه ګټه ۖ ې په پرېكړه كولو د حكومت ملګرتيا كړې۔ دې ووئيل ګلګت بلتستان او آزاد جمو و کشمير هم په دې كښې د حكومت ملګرتيا كړې ٬ دې ووئېل كله چې په آزاد کشمير او ګلګت بلتستان كښې د سبزو او د خوراكي توكو كمې راپېدا شو نو د ھغوي په غږ وفاقي حكومت په لاك ډاٶن كښې نرمي وكړه دغسې چې خلق د لوږې نه اونه مري او هغوي ته د خوراك څښاك څيزونه په وخت ورسيږي ۔ دې ووئيل د روژې مباركې مياشت راتلونكې ده دې لپاره هم واضح لائحې ته اړتيا ده، د حکومت په اېس او پيز عملدرامد ضروري دے۔ ډاكټر فردوس عاشق اعوان ووئيل وزيراعظم عمران خان علماﺀ سره په ملاقات كښې په اتفاق د جوماتونو پرانستو ساتلو پرېكړه كړې، مونږ له دا چېلنج په موقعو بدلول دي۔ دې ووئيل ټولو شراكت دارو سره په مشاورت د اېس او پيز پرېكړه شوې او په ھغې عملدرامد هم د ټولو ذمه واري ده۔ د حکومت په وراندې يو محاذ د كرونا دے نو بل محاذ د لوږې تندې هم دے ۔خاص مرستيالې ووئېل د حكومت د قامي سلامتيا د كونسل لس عونډې په دې لړ كښې شوي، نېشنل کوآرډينيشن سيل جوړ كړے شوے او دغسې ټولو سره د مشاورت عمل هم دوامدار دے۔ ډاكټر فردوس عاشق اعوان ووئيل هره ورځ د 472 ټېسټونو كولو او د دوه لېب ګنجائش ٶ خو اوس هره ورځ اته زره ټېسټونه كېږي او 60 لېب كار كوي، چين څخه هم د پوهانو په رابللو د عملې د كار استعداد زيات كړې شوې ۔ دې ووئيل د اتلسم بدلون نه پس صوبې اختيارات لري، ھغوي خپل اېس او پيز خپله جوړ كړې وو۔ دې ووئيل زمونږ د هېواد انحصار 70 فيصده په كركيله دے او زرعي پېداوار منډيانو ته رسول هم ضروري دي ٬ځكه ل لاك ډاٶن نرم ساتلې شوے ۔دې ووئېل مونږ علماﺀ كرام او پوليس په سړكونو مشت او ګرېبان ليدل نه غوښتل ځكه مو جوماتونه د علماﺀ كرامو سره په مشاورت د اېس او پيز له مخې د پرانستلو پرېكره كړې
