اسلام آباد 30 جون (اے پي پي﴾ د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې په خپل دور كښې د آئيني مودې پوره كولو ملاتړ كوونكي نن په كومه خوله د مېنځنې مودې د ټاكنو خبره كوي٬ دا خلق لس مياشتې د اقتدار نه بغېر نه شي تېرولې۔ په قومي اسمبلۍ كښې د مخالفې ډلې مشر ميا شهباز شريف لخوا د مېنځنې مودې د ټاكنو په غوښتنه په ټويټر خپل غبرګون ښودلو سره هغې ووئيل چې دا خلق د اقتدار نه بغېر داسې ترسېږي لكه څنګه چې كب د اوبو نه بغېر وي۔ اوس به دوي ته څلور كاله هم داسې تېرول وي۔ هغې ووئيل چې د اقتدار په پچ لوبې كوونكو ته به اوس د سركاري وسيلو نه بغېر د اوسېدو عادت خپلول وي۔
