اسلام آباد۔22مارچ(اے پی پی)وزیر مملکت پیٹرولیم ڈاکٹر مصدق ملک آکھیے جو پٹرولیم سبسڈی صرف غریب طبقے کیتے ہے ڄیڑھی امیراں کیتے ملھ ودھا تے غریباں کوں ریلیف ݙیوݨ کیتے اے ٻھل آئی ایم ایف کوں سبسڈی دے اعتراض اے جو اساں کوئی نواں ٹیکس لائے بغیر کیویں سبسڈی ݙیندے پئے ہیں۔ انہاں پیٹرول ریلیف پیکیج کوں سبسڈی آکھݨ دی تردید کریندے آکھیا جو حکومت امیر دا پٹرول مہانڳا کر تے غریب کوں سسا ݙیندی پئی اے جیندے نال ملک اچ 2 کروڑ سٹھ لکھ موٹر سائیکل سواراں اتے 2 کروڑ 14 لکھ چھوٹی گاݙیاں آلیاں کوں ریلیف ملسی۔ میڈیا نال الیندے انہاں دا آکھݨ ہا جو موٹر سائیکل کیتے ریلیف دی ماہانہ حد 21 لیٹر ڄݙاں جو چھوٹی گاݙیوں دی حد ماہانہ 30 لیٹر ہوسی، صارفین دا فول پروف گیٹ وے ہوسی، چوری یا بلیک ویچݨ دا رستہ نا ملسی، حالی غریب کوں مارکیٹ ریٹ توں 100 روپے ڳھٹ فی لیٹر ملسی۔ انہاں آکھیا جو ماہانہ 46 کروڑ 10 لکھ لیٹر غریب عوام کوں پیٹرول سستا ملسی، آڈیٹر جنرل یا تھرڈ پارٹی ایندا آڈٹ کریسی، ایندا مقصد صرف امیر طبقے تے ٻھار سٹ تے غریباں کوں فیدہ ݙیوݨ اے۔ انہاں آکھیا جو سستے پٹرول کیتے پاسورڈ، کارڈ یا بی آئی ایس پی ولوں ادائیگی دے 3 آپشن تے غور تھیندا پئے۔
