اسلام آباد ۔ 22 دسمبر (اے پی پی) چیئر مین سینیٹ صادق سنجرانی آکھیے جو سعودی عرب اتے پاکستان ہک بئے دے چنگے بانہ بیل ہیں جئیں ہر اوکھے سوکھے ویلھے ہک بئے دا ہتھ ونڈائے۔اے گالھ انہاں سعودی عرب توں وطن روانگی ویلھے کیتی۔ او پاکستان دی ہک خصوصی وفد نال سعودی شوریٰ دی دعوت تے سعودی عرب دے چار ڈینہہ دے دورے تے گئے ہن۔معاون سپیکر سعودی شوریٰ ڈاکٹر سعد الحریکی وفد کوں ائر پورٹ تے رخصت کیتے ۔چیئر مین سینیٹ مہما ن نوازی تے سعودی شاہ سلمان بن عبدالعزیز اتے ولی عہد محمد بن سلمان دا شکریہ اداکریندے آکھیے جو دورہ اچ سعودی اعلی حکام نال مالقاتاں اچ اگو تے ڈوہاں ملکاں وچال مختلف شعبیان اچ جاری تعاون کوں بیا ودھاونڑ کیتے حکمت عملی تے الایا گئے۔چیئرمین سینیٹ سعودی عرب اچ اسلامک ملٹری الائنس دے کمانڈر جنرل راحیل شریف نال وی ملین۔انہاں خطے اچ امن اتے پائیدار مستقبل کیتے سارے معاملے گالھ مہار اتے مذاکرات نال حل کرنڑ تے زور ڈتے۔
.jpg)
