اسلام آباد 01 مارچ (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې د افغان سولې لوظنامې سره د مذاكراتو د لارې د ستونزو د حل په اړه د وزيراعظم عمران خان د دريځ تائيد شوے. د اتوار په ورځ په ټويټر په خپل يو ټويټ كښې د وزيراعظم خاص مرستيالې ووئيل چې وزيراعظم عمران خان تل وئيلي دي چې يوازې مذاكرات د شريكو شخړو د حل كولو لار ده. په دوحه كښې د افغانستان د سولې لوظنامه د وزيراعظم د ويژن ګواهي وركوي. هغې ووئيل چې افغان اولس د جنګ په وجه زيان برداشت كړے، كوم چې د استحكام مستحق دي. ډاكټر فردوس عاشق اعوان ووئيل چې په افغانستان كښې امن په منطقه كښې استحكام لپاره ضروري دے. هغې ووئيل چې د افغانستان د سولې په عمل كښې د پاكستان كردار په زرينو ټكو د ليكلو مستحق دے.
