اسلام آباد ۔ 29 نومبر (اے پی پی) خارجه وزير شاه محمود قرېشي سره د ملائيشيا وزيراعظم خصوصي استازي او د ملائيشيا دوهم خارجه وزير داتو ويرا حاجي مرزوقي ېحېی د جمعې په ورځ خارجه وزارت كښې ملاقات وكړو۔ د ملاقات په مهال په دوه اړخيزه اړيكو او د سيمې صورتحال په شمول د شريكې خوښې په چارو د خيالاتو څرګندونه وشوه۔ خارجه وزير د ملائيشيا دوهم خارجه وزير د اګست 5 مې نېټې څخه مقبوضه كشمير كښې د روانې بدترينې محاصرې ٬ د بشري حقونو سختو خلاف ورزيو اود مقبوضه كشمير روانې ناوړه وضعې په اړه خبر كړو۔ شاہ محمود قرېشی ووئيل مقبوضه كشمير كښې د روانو هندي ظلمونو په ضد چې په كوم ډول ملائيشيا غږ پورته كړې دې هغه د ستائنې وړ دې۔ ده ووئيل د كشمير په مسئله د پاكستان د دريځ په ملاتړ كولو مونږ د ملائيشيا د زړه نه مننه كوو۔ د ملائشیا دوهم خارجه وزير راروانه مياشت ملائيشيا كښې د كېدونكي “کوالالمپور کانفرنس” تفصيلاتو په اړه خارجه وزير خبر كړو۔ خارجه وزير دا كنفرنس يو غوره ګام ګرځولو سره د پاكستان لخوا د بشپړه ملاتړ باور وركړو
