پېنډۍ 07 مارچ (اے پي پي) د پوځ سرلښكر جنرال قمر جاوېد باجوہ په مشرۍ كښې د كوركمانډرانو كنفرنس كښې وئيلي شوې دې پاكستان د امن ٬ پرمختګ او استحكام په مثبت سوچ روان دے او څوك د طاقت كارولو يا په دړكو مونږ يرولې نشي ٬ په كنفرنس كښې د هر ډول يرغل يا د جارحيت په ضد د مورني هېواد دفاع لپاره د عزم پخلې هم اوشو۔ د آئي اېس پي آر له مخې د پاك پوځ سرلښكر جنرال قمر جاوېد باجوہ په مشرۍ كښې د كور كمانډرانو 219م كنفرنس د زيارت په ورځ د پوځ په مركزي دفتر پېنډۍ كښې وشو٬ کنفرنس كښې د پاك هند ترمېنځه د روان تاو تريخوالې څخه د پېدا شوي صورتحال جاج واخستې شو٬ كنفرنس كښې ووئيل شول هند په اېل او سي په قصدا آبادۍ په نښه كوي او په مقبوضه كشمير كښې په ځائي وګړو ظلمونه هم كوي۔ په كور كمانډر كنفرنس كښې د پلوامه پېښې نه پس په مقبوضه كشمير كښې د هند په زياتو شوو ظلمونو د تشويش څرګندونه وشوه او ووئيل شول د سيمه ايز امن لپاره د شهري آبادۍ په نښه كولو لاره نيول ضروري ده۔ ګډون كوٶنكو د دې عزم پخلې وكړو چې د هر ډول مهم جوئۍ يا د جارحيت په ضد به د مورني هېواد دفاع كولې شي٬ د نېشنل اېکشن پلان 2014 د پېشرفت هم جاج واخستې شو۔ د پوځ سرلښكر جنرال قمر جاوېد باجوہ په نېشنل اېکشن پلان عملدرآمد لپاره نورو رياستي ادارو سره د بشپړه مرستې كولو امر وكړو۔ په دې موقع سرلښكر د ځواكونو د حوصله او د كاركردګۍ ستائنه كولو سره ووئيل پاكستان د امن ٬ پرمختګ او استحكام په مثبت لاره روان دے۔ سرلښكر د قام د ملاتړ ستائنه كولو سره د لوي څښتن شكر وكړو۔ جنرال قمر جاوېد باجوہ ووئيل د هر ډول خطر ځواب وركولو له چمتو او ويخ ولړ يو٬ څوك د طاقت يا د دړكو څخه مونږ مرعوب كولې نه شي۔ ده ووئيل د پاليسۍ او طاقت كارول به يوازې د رياست اختيار وي
