بيجنگ- 06 فيبروري (اي پي پي) چين ۾ پاڪستان جي سفير خليل هاشمي چيو آهي ته چين پاڪستان چئن موسمن جي دوستي گذريل ست ڏهاڪن تي ٻڌل آهي ۽ ٻنهي ملڪن هر موقعي تي هڪ ٻئي جو ڀرپور ساٿ ڏنو آهي. پاڪستاني سفير چيني قوم کي بهار تهوار ۽ چيني نئين سال جي آمد تي مبارڪون ڏيندي چيني ميڊيا گروپ کي خصوصي انٽرويو ۾ چيو ته چين طرفان پيش ڪيل بيلٽ اينڊ روڊ گذريل 10 سال ۾ ڪيترائي ٺوس ثمر حاصل ڪيا آهن. سي پيڪ جيڪو بي آر آءِ جو هڪ فليگ شپ پراجيڪٽ آهي ان جي سبب پاڪستان اقتصادي ۽ سماجي ميدان ۾ ڪافي فائدا حاصل ڪيا آهن، خاص طور تي انفراسٽرڪچر ۽ انرجي جي ميدان ۾ چين جي سهڪار سان ڪيترائي پراجيڪٽس پڄاڻي تي پهتا آهن ۽ هاڻي سي پيڪ جي اڳئي مرحلي جي شروعات ٿي رهي آهي.
