اسلام آباد – 09 – جون (اي پي پي) ايندڙ مالي سال 24 – 2023ع جي بجيٽ ۾ سرڪاري شعبي جي ترقياتي پروگرام (پي ايس ڊي پي) ۾ پاڻي وسيلن واري ڊويزن جي هائيڊل ۽ پاڻي شعبي جي نئين ۽ جاري اسڪيمن جي لاءِ مجموعي طور تي هڪ کرب 77 ارب 45 ڪروڙ 90 لک رپيا رکيا ويا آهن. جاري ٿيندڙ پي ايس ڊي پي 24 – 2023ع موجب بجيٽ ۾ هائيڊل منصوبن جي جاري اسڪيمن جي لاءِ 80 ارب رپين کان وڌيڪ، هائيڊل منصوبن جي هڪ نئين اسڪيم جي لاءِ 5 ڪروڙ رپيا، پاڻي شعبي جي جاري اسڪيمن لاءِ 80 ارب 44 ڪروڙ 75 لک رپيا ۽ پاڻي شعبي جي نئين اسڪيمن جي لاءِ 13 ارب 90 ڪروڙ رپيا رکيا ويا آهن.
