اسلام آباد – 08 جون (اي پي پي) هلندڙ مالي سال 23 -2022ع دوران ملڪ ۾ بسن جي پيداوار ۾ 32 سيڪڙو اضافو ٿيو، ڪارن جي پيداوار ۾ 47.3 سيڪڙو گهٽتائي واقعي ٿي، گذريل مالي سال 22 -2021ع ۾ اها پيداوار هڪ لک 66 هزار 768 هئي جيڪا مالي سال ۾ گهٽجي 87 هزار 820 رهجي وئي. جاري ڪيل اقتصادي سروي 23 -2022ع موجب ملڪ ۾ 22 -2021ع دوران ٽريڪٽرز جي پيداوار 41 هزار 872 هئي جيڪا هلندڙ مالي سال دوران 46 سيڪڙو جي گهٽتائي سان 22 هزار 626 تي اچي وئي. ملڪ ۾ هلندڙ مالي سال دوران بسن جي پيداوار 606 رهي جڏهن ته ان جي ڀيٽ ۾ 22 -2021ع دوران اهو تعداد 459 هو. هلندڙ مالي سال دوران 2 هزار 677 ٽرڪن جي پيداوار ٿي جڏهن ته گذريل مالي سال دوران اهو تعداد 4 هزار 445 هو.
