اسلام آباد – 25 – مئي (اي پي پي) وزيراعظم محمد شهباز شريف سان جي ڊي اي جي قومي اسيمبلي ميمبر غوث بخش مهر وزيراعظم هائوس ۾ ملاقات ڪئي. وزيراعظم آفيس جي ميڊيا ونگ پاران جاري بيان موجب ملاقات ۾ سردار غوث بخش مهر وفاقي حڪومت جي سنڌ ۾ جاري ترقياتي منصوبن کي جلد مڪمل ڪرڻ جي لاءِ وزيراعظم جي خصوصي دلچسپي تي ان کي خراج تحسين پيش ڪيو. هن 9 مئي جي افسوسناڪ واقعن جي مذمت ڪندي وزيراعظم جي ذميوارن کي سخت سزا جي حڪمن کي پڻ ساراهيو. ملاقات ۾ موجوده ملڪي سياسي صورتحال تي پڻ تفصيلي خيالن جي ڏي وٺ ڪئي وئي.
