اسلام آباد – 30 – مئي (اي پي پي) صدر ڊاڪٽر عارف علوي جسٽس اقبال حميدالرحمان جي بطور چيف جسٽس فيڊرل شريعت ڪورٽ مقرري جي منظوري ڏئي ڇڏي. ايوان صدر جي پريس ونگ پاران جاري بيان موجب جسٽس اقبال حميدالرحمان کي 3 سالن جي لاءِ چيف جسٽس فيڊرل شريعت ڪورٽ مقرر ڪيو ويو آهي. جسٽس اقبال حميدالرحمان سپريم ڪورٽ آف پاڪستان جو اڳوڻو جج آهي. صدر ان جي بطور چيف جسٽس فيڊرل شريعت ڪورٽ مقرري جي منظوري آئين جي آرٽيڪل 175 اي 13 تحت ڏني آهي.
