اسلام آباد – 03 – مارچ (اي پي پي) وزيراعظم محمد شهباز شريف بهاره ڪهو باءِ پاس فلائي اوور جي تعمير دوران حادثي جو سخت نوٽيس وٺندي انڪوائري ڪميٽي جوڙي ڇڏي. وزيراعظم آفيس جي ميڊيا ونگ پاران جاري بيان موجب وزيراعظم خميس ڏينهن پيش ايندڙ حادثي جي انڪوائري جي لاءِ ڪميٽي جوڙي ڇڏي آهي. اڳوڻي گهرو سيڪريٽري شاهد خان جي سربراهي ۾ انڪوائري ڪميٽي ان حادثي جو هر رخ کان جائزو وٺندي. ڪميٽي کي هنگامي بنيادن تي انڪوائري رپورٽ جوڙي وزيراعظم کي پيش ڪرڻ جي هدايت ڪئي وئي آهي. وزيراعظم چيو ته بهاره ڪهو منصوبي ۾ ڪنهن به قسم جي ڪوتاهي قابل قبول نه هوندي.
