اسلام آباد – 23 – سيپٽمبر (اي پي پي) وزيراعظم محمد شهباز شريف چيو آهي ته پاڪستان ۾ تباهي آڻيندڙ ٻوڏ سان وڏي پئماني تي ٿيندڙ تباهي جي ڏس ۾ امير ملڪن کي پاڪستان کي قرضن جي ادائيگي ۾ ريليف ڏيڻ تي غور ڪرڻ گهرجي ته جيئن اسان پنهنجي پيرن تي بيهي سگهون. هڪ ٽوئيٽ ۾ وزيراعظم چيو ته مون ”بلومبرگ“ سان پنهنجي انٽرويو ۾ جيڪو بنيادي دليل ڏنو آهي ته ماحولياتي تباهي ۾ اسان جو ڪو ڪردار نه آهي ان لاءِ امير ملڪ پاڪستان کي قرضن جي ادائيگي ۾ ريليف ڏيڻ تي غور ڪن.
