اسلام آباد – 13 – مئي (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته پاسپورٽ ايڪٽ 1974ع تحت هڪ کان وڌيڪ پاڪستاني پاسپورٽس رد ڪيا ويندا، وفاقي ڪابينا جي 10 مئي 2022ع جي اجلاس ۾ پاسپورٽ ايڪٽ 1974ع تحت هڪ کان وڌيڪ پاڪستاني پاسپورٽس رد ڪرڻ جي منظوري ڏني وئي آهي، غير ملڪي پاسپورٽس رد ڪرڻ جي خبر غلط رپورٽ ٿي آهي. پنهنجي وضاحتي بيان ۾ هن چيو ته ٻه پاڪستاني پاسپورٽس رکڻ ڏوهه آهي، ٻه پاڪستاني پاسپورٽ رد ڪرڻ جي آخري تاريخ 31 ڊسمبر 2022ع مقرر ڪئي وئي آهي، هن چيو ته ان فيصلو ٻاهرين ملڪ شهريت رکندڙ يا غير ملڪي پاسپورٽس تي لاڳو نه هوندو.
