اسلام آباد – 30 – مارچ (اي پي پي) صدر ڊاڪٽر عارف علوي ڪانگو ۾ هيلي ڪاپٽر حادثي تي گهري ڏک ۽ افسوس جو اظهار ڪيو آهي. ايوان صدر جي پريس ونگ مان جاري بيان موجب صدر ڊاڪٽر عارف علوي هيلي ڪاٽر ڪريش ۾ شهيد ٿيندڙن لاءِ بلند درجن جي دعا ڪئي. صدر گڏيل قومن جي امن مشن ۾ خدمتون سرانجام ڏيندڙن کي خراج عقيدت پيش ڪيو، صدر ليفٽينٽ ڪرنل آصف علي اعواڻ، ميجر فيضان علي، ميجر محمد سعد نعماني لاءِ مغفرت جي دعا ڪئي، صدر نائب صوبيدار سميع الله، حوالدار محمد اسماعيل، لانس حوالدار محمد جميل خان جي بلند درجن لاءِ به دعا ڪئي، صدر شهيدن جي وارثن سان همدردي جو اظهار ڪيو ۽ انهن لاءِ صبر جميل جي دعا ڪئي.
