کوټلی۔23مارچ(اے پی پی) د ګرد آزاد کشمیر په ډول كوټلي كښې هم د پاكستان ورځې 23 مارچ په موقع د ډپټي كمشنر آفس په چمن كښې د بېرغ هسك كولو دستوره وشوه۔ د پوليس يوې چټك ډلې قامي بېرغ ته سلامي وړاندې كړه۔ په دې موقع اېډیشنل ډپټی کمشنر راجه اکرم فاروق،اېس اېس پی راجه اکمل خان،آفیسر مال راجه ایاز،اے ډی سول ډیفنس سردار رفیق ،محکمه مال، پولیس، د شهری دفاع افسران او اهلکار، د انجمن تاجران او سول سوسائټۍ استازي هم موجود وو۔ قامي بېرغ ته سلامي وړاندې كولو نه وروستو د ګران هېواد سلامتيا ٬ سوكالۍ او د هندوستان تسلط نه د كشمير آزادۍ له خصوصي دعاګانې وغوښتلې شوې۔
