اسلام آباد 06 جنوري (اے پي پي) صدر ډاكټر عارف علوي وئيلي دي د ګوادر پورټ فري زون سيمه د افغانستان او بلوچستان ترمېنځه تجارت لپاره د كارولو ضرورت دے، د ګوادر بندر غوندې قومي پروژې په كاميابې سره ترسره كولو لپاره حكمت عملي او وژن ضروري وي. ده دا خبرې د شورو په ورځ د ګوادر دورې په مهال په خپلو خبرو كښې وكړې. په دې موقع صدر ته د ګوادر ماسټر پلان او د ګودر بندر د پرمختيائي چارو په اړه بريفنګ وركړے شو. د ګوادر پورټ اتهارټۍ چيئرمېن نصير خان كاشاني او د ګوادر ډوېلپمنټ اتهارټې ډائرېكټر جنرل شاه زېب خان كاكړ صدر ته د ګوادر پورټ او سټي په اړه تفصيلي بريفنګ وركړو. په دې موقع صدر ووئيل د ګوادر پورټ فري زون سيمه د افغانستان او بلوچستان ترمېنځه تجارت لپاره د كارولو ضرورت دے، په ګوادر پورټ دې د ټرافيك په تندې سره رواني باوري كړې شي. ده اړوند چارواكو ته ووئيل د كار رفتار ګړندے كړئ او په دې لړ كښې خنډان د اړوندو ډلو سره په مشاورت لرې كړئ. صدر ووئيل په ماضي كښې د ګوادر په پرمختګ كښې سستي شوې. ده ووئيل ټولې پروژې په وخت ترسره كړئ. دغسې صدر ته ګوادر پورټ سره د 19 كلوميټره ايسټ بے اېكسپرېس وے په اړه هم بريفنګ وركړے شو. صدر په ګوادر كښې د چين جديد بزنس سنټر په جوړولو د چينائي حكومت ستائنه وكړه. د بريفنګ په مهال د بلوچستان د محصولات وزير سليم كهوسه، د بلوچستان د مذهبي چارو وزير لاله رشيد ، د صوبائي اسمبلۍ غړے نور محمد او نور هم موجود وو.
