اسلام آباد ۔ 12 دسمبر (اے پی پی) د كابينې اقتصادي رابطه كمېټۍ د صحرائي ملخانو راتګ په بېړني صورتحال قابو موندلو له د 459.5 ملینه روپو او د کرتارپور راهدارۍ تحفظ له د پاكستان رېنجرز فرسټ سپېشل ونګ جوړولو له د 300 ملينه روپو تكنيكي ضمني ګرانټ منظوري وركړې ده۔ د اقتصادي رابطه كمېټۍ (ای سی سی) غونډه د زيارت په ورځ د وزيراعظم د خزانې صلاحكار ډاكټر عبد الحفيظ شېخ په مشرۍ كښې وشوه۔ ای سی سی د نېشنل فوډ سېكورټي وزارت ته راروانه غونډه كښې د ملخانو راتګ مخ نيوي ٬ د دې ختمولو له د سپرے او د چينجو وژونكو داروګانو او د هېواد بېلو برخو كښې د ملخانو راتګ خطرو په اړه اي سي سي ته د بريفنګ وركولو هدايت وكړو۔ د كابينې اقتصادي رابطه كمېټۍ د صحرائي ملخانو راتګ په بېړني صورتحال قابو موندلو له د 459.5 ملینه روپو د ضمني ګرانټ منظوري وركړه۔ اي سي سي د پاكستان سنګل ونډو بل 2019ء نافذ كولو منظوري هم وركړه كوم به چې كابينې ته وړاندې كولې شي۔ اقتصادی رابطه كمېټۍ ته ووئيلې شؤ د بېلو كاروبارونو پېل كولو په اجازه كښې 42 حكومتي ادارې شامل دي۔ اقتصادی رابطه کمېټۍ انټر سټېټ ګېس سسټم پرائیوېټ لمېټډ له ګېس هولډنګ پرائیوېټ لمېټډ ته د فنډنګ آساني تر دوو نورو كلونو د جاري ساتلو منظوري هم وركړه۔ اقتصادی رابطه كمېټۍ د آئین آرټیکل 156 غوښتنو له مخې د قامي اقتصادي كونسل كلن راپور كابينې ته د وړاندې كولو منظوري وركړه۔ غونډه كښې د خېبر پختونخوا تېل او ګاز پېدا كوؤنكو ضلعو كښې د ګاز نېټ ورك پراختيا او بحالۍ وړاندېز (فېز ون) هم منظوري وركړه چې له مخې به ئې د هنګو ضلعې مردان خېل تھري او حافظ آباد ته ګاز وركولې شي۔ د اقتصادی رابطه كمېټۍ غونډه كښې د جی اېچ کیو په وړاندېز د كرتارپور راهدارۍ تحفظ له د پاكستان رېنجرز فرسټ سپېشل ونګ جوړولو له د 300 ملینه روپو تكنيكي ګرانټ منظوري هم وركړې شوه ۔ اقتصادی رابطه كمېټۍ سپارښتنه وكړه چې د وزيراعظم د اداره جاتي اصلاحاتو صلاكار ډاكټر عشرت حسېن ٬ د خزانې سېكتر او د داخله وزارت په استازي مشتمله درې كسيزه كمېټي دې د دې تجويز او د مصارف جاج واخلي۔
