اسلام آباد – 02 – آگسٽ (اي پي پي) اطلاعات ۽ نشريات واري وفاقي وزير مريم اورنگزيب مسلم ليگ (ن) جي اڳواڻ طلال چوڌري کي سپريم ڪورٽ پاران 5 سال نااهلي جي سزا ختم ٿيڻ تي مبارڪباد ڏيندي چيو آهي ته طلال چوڌري قائد محمد نواز شريف ۽ پارٽي سان نظرياتي وابستگي، وفا ۽ محبت تي 5 سال نااهلي جي سزا ڀوڳي، جيڪا اڄ ختم ٿي وئي آهي. پنهنجي ٽوئيٽ ۾ اطلاعات ۽ نشريات واري وفاقي وزير چيو ته بهادر، بيگناهه ۽ پرعزم ڀاءُ طلال چوڌري کي مبارڪ هجي، طلال چوڌري ته 5 سالن کانپوءِ اهل ٿي ويو پر ان کي ناحق سزا ڏيندڙ عوام ۽ تاريخ ۾ تاحيات نااهل ٿي چڪا آهن. هن چيو ته اڄ طلال چوڌري پنهنجو ضمير ۽ وقت ۽ عوام جي عدالت ۾ به سرخرو آهي.
