اسلام آباد – 01 – مئي (اي پي پي) وزيراعظم محمد شهباز شريف چيو آهي ته پي ٽي وي فلڪس جي شروعات هڪ بهترين قدم آهي، اها ايپ پي ٽي وي جي مواد کي وڌيڪ سگهه ڏيندي. پنهنجي ٽوئيٽ ۾ وزيراعظم چيو ته پاڪستان ٽيليويزن جي ڊرامن ڪيترن ئي ڏهاڪن ۾ لاتعداد پاڪستانين کي بهترين تفريح فراهم ڪئي. هن ايپ جي ذريعي اهو مواد هاڻي ٻاهرئين ملڪ رهندڙ پاڪستانين جي لاءِ به پهچ جوڳو هوندو. وزيراعظم اطلاعات واري وفاقي وزير مريم اورنگزيب کي ان ڪاميابي تي مبارڪباد ڏني ۽ اطلاعات واري وزارت ۽ پي ٽي وي پاران ان پراجيڪٽ ۾ شامل عهديدارن کي ڀرپور ساراهيو.
