اسلام آباد – 07 – جون (اي پي پي) وزيراعظم شهباز شريف اسلام آباد جي سيڪٽر ايڇ – 12 جي جهنگ ۾ لڳل باهه جو نوٽيس وٺندي سي ڊي اي چيئرمين کي باهه تي ضابطو آڻڻ جي لاءِ هنگامي بنيادن تي قدمن جي هدايت ڪئي آهي. وزيراعظم ميڊيا آفيس پاران اجري بيان موجب وزيراعظم سي ڊي اي چيئرمين کي فوري امدادي ڪارروائي ڪرڻ ۽ ماڻهن کي محفوظ جاين تي منتقل ڪرڻ جي هدايت ڪئي آهي. باهه تي ضابط آڻڻ جي لاءِ فائربرگيڊ جي عملي کي فوري متحرڪ ڪيو وڃي. وزيراعظم موسمياتي تبديلي واري وزارت کي به اسلام آباد ۽ مارگلا ۾ اهڙن واقعن جي خاتمي جي لاءِ ٺوس حڪمت عملي تيار ڪرڻ جي هدايت ڪئي.
