اسلام آباد – 20 – اپريل (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته وفاقي ڪابينا کي گذريل چار سالن ۾ عمران خان جي قيادت ۾ ٿيندڙ معاشي تباهي ۽ غيرذميواراڻي مالياتي قدمن جي حوالي سان بريفنگ ڏني پئي وڃي. پنهنجي هڪ ٽوئيٽ ۾ هن چيو ته گذريل چار سالن دوران مهانگائي، بيروزگاري، قرض ۽ خساري ۾ اضافو ٿيو، جي ڊي پي جي شرح ۾ گهٽتائي ٿي، عمران خان جو دور ڪرپشن جي ور چڙهي ويو، اها آهي نئون پاڪستان جي حقيقت.
