اسلام آباد – 28 – مارچ (اي پي پي) اطلاعات ۽ نشريات واري مملڪتي وزير فرخ حبيب چيو آهي ته چوڌري پرويز الاهي وزيراعظم عمران خان سان ملاقات ڪئي، ملاقات ۾ سمورا معاملا طئي ٿي ويا. مملڪتي وزير فرخ حبيب پنهنجي هڪ ٽوئيٽ ۾ چيو ته (ق) ليگ وزيراعظم تي اعتماد جو اظهار ۽ حمايت جو اعلان ڪري ڇڏيو آهي. هن چيو ته پنجاب جي وڏي وزير عثمان بوزدار پنهنجي استعيفا وزيراعظم کي پيش ڪري ڇڏي آهي ۽ وزيراعظم عمران خان چوڌري پرويز الاهي کي پنجاب جو وڏو وزير نامزد ڪرڻ جو فيصلو ڪري ورتو آهي.
