اسلام آباد ۔ 18 مئی (اے پی پی) د اطلاعات او خپرونو وفاقي وزير سېنېټر شبلي فراز وئيلي دي حکومت لويو ښارونو كښې د شاپنګ مالز پرانستلو او د مئي 20 مې نېټې څخه د ټرېنونو چلولو اجازه وركړې۔ په شاپنګ مالز او بازارونو كښې به په سماجي فاصله عملدرآمد باوري كول وي۔ كورونا وبا څخه بچ كېدو له به اېس او پيز عملي كول وي۔ د كاروباري طبقې آسانۍ له به د اختر په ورځو كښې هم د صنعتونو چلولو اجازه وي۔ مونږ له به كورونا سره سره د لوږې هم مقابله كول وي۔ حكومت د ترلاسه وسائلو نه زيات ګامونه پورته كوي۔ د كورونا د لاسه بې روزګاره شوو له احساس اېمرجنسي كېش پروګرام پېل كړے شوے۔ د هېواد دننه هم د كورونا خخه حفاظتي سوټ جوړول پېل كړې شوي۔ وزیراعظم د روغتيا په څانګه كښې د اصلاحاتو عمل د تندولو امر كړے۔ افراط زر او د سود شرح كښې كمې كېږي۔ د سندھ حکومت د كورونا په معامله ډېر سياست كړے۔ په قامي چارو بايد زمونږ خبره يوه وي۔ مخالفه ډله دې هغه كار نه كوي چې ورسره تذبذب او غېر يقيني صورتحال رامخې ته شي۔ د دې خيالاتو څرګندونه ده ګل په ورځ خبري كنفرنس ته خطاب كښې وكړه۔ وفاقي وزير ووئيل حكومت د كوورونا وائرس له امله د رامخې ته شوي صورتحال مخ نيوي او د بې وزله او مزدور ډلې مرستې او د معاشي هلو ځلو روانو ساتلو له مؤثره تګلاره خپله كړې ۔ ده ووئيل مونږ چې كوم هم ګامونه پورته كوؤ د دې مقصد اولس ته آسانۍ وركول او د كورونا وبا د لاسه د رامخې ته شوي صورتحال او معاشي هلو ځلو ترمينځه توازن پېدا كول دي۔ په دې لړ كښې چې وزيراعظم كومه تګلاره خپله كړې موجوده اقدامات هم د هغې تسلسل دے۔ ده ووئيل مونږ د سترې محكمې د پرېكړې هركلے كوؤ۔ مونږ له به د كورونا سره سره د لوږې هم مقابله كول وي۔ وفاقي وزير ووئيل وزيراعظم د روغتيا په څانګه كښې د اصلاحات عمل د تندولو هدايت كړے ۔ د روغتيا نظام به پياوړې كول وي او د راتلونكي وخت لپاره به ځان تيار ساتل وي۔ ده ووئيل كورونا ختمه شوې نه ده٬ لا شته او تر كومې به وي د دې هېڅ علم مونږ ته نشته۔ وفاقې وزير ووئيل اولس دې دا نه ګڼي چې دوكانونه پرانستلې شول ٬ ټرېنونه چلېږي نو حالات ګني سم شول۔ احتياط پرېښودل نه دي پكار ۔ ده ووئېل مونږ له به د يو ذمه وار قام په حېث د دې صورتحال په ګډه مقابله كول وي۔ وفاقي وزير ووئيل كه يوه آساني اولس ته وركړې شوې نو بايد په ذمه وارۍ ترې استفاده وكړي۔ كه مونږ وليدل چې خلق احتياط نه كوي نو كاروبار يو وارې بيا بندولې شوو۔ سېنېټر شبلی فراز ووئيل زمونږ هېواد كښی د روژې مياشتې په مهال څيزونه ګرانېږي۔ ده ووئيل د كورونا وائرس د لاسه بېروزګاره شوو وګړو له نن احساس اېمرجنسی کېش پروګرام پیل كړې شوے ۔ ده ووئيل حكومت د برآمدات ودې ٬ د ډاكټرانو او طبي عملې او بې وزله اولس ساتنې له بشپره ګامونه پورته كوي۔ حكومت به سباؤن كښې هم د اولس خيال ساتي ٬ مونږ به هڅه كوؤ چې د معيشت پايه روانه وي او خلق محفوظ وي۔ ده ووئيل مونږ له به په ګډه د دې صورتحال مقابله كول وي۔
