اسلام آباد 28 جون (اے پي پي) قومي اسمبلۍ د راتلونكي مالي كال 20-2019م د 7036 اربه روپو د وفاقي بجټ منظوري وركړه۔ په بجټ كښې د سركاري څانګې پرمختيائي پروګرام لپاره 701 اربه روپې او د ټېكس محصولاتو هدف 5500 اربه روپې مختص كړے شوے٬ د 3151 اربه روپو د بجټ خساره به د ټېكس اصلاحاتو د لارې پوره كولې شي٬ د ګرېډ 1 نه تر 16 د سركاري ملازمينو په تنخاګانو او پنشن كښې 10 فيصده اېډهاك ريليف٬ د ګرېډ 17 نه تر 20 ملازمينو ته 5 فيصده اېډهاك ريليف وركړے شوےِ٬ كم نه كم اجرت 17500 روپې مقرر كړے شوے٬ تنخادار طبقې لپاره په 6 لكه روپې كلن او غېر تنخادار طبقې لپاره د 4 لكو روپو نه په زيات امدن به انكم ټېكس لاګو وي٬ د سول حكومت اخراجات د 460 اربه روپو نه كمولو سره 437 اربه روپې كړې شوي دي٬ عسكري بجټ به په 1153 اربه روپو مستحكم وي۔ د جمعې په ورځ د خزانې انچارج وزير حماد اظهر په قومي اسمبلۍ كښې د راتلونكي مالي كال په مالي بل د غور كولو تحريك په ايوان كښې وړاندے كړو او د اپوزيشن لخوا ئې مخالفت وكړے شو۔ په دې په ايوان كښې بحث وكړے شو او دوهم وزير حماد اظهر بحث راغونډ كړو۔ د دې نه پس سپيكر په مالي بل د غور كولو تحريك په ايوان كښې وړاندې كړو او په دې په او يا نه كښې ځواب اپوزيشن چېلنج كړو۔ په شمېره كولو په ايوان كښې د تحريك په حق كښې 176 رائې او په مخالفت كښې ئې 146 غړو رائې وركړې۔ دغسې دا تحريك منظور كړے شو۔ د دې نه پس په ايوان كښې د مالي بل 2019م د شق وار منظورې عمل پېل شو۔ په بېلا بېلو شقونو د اپوزيشن لخوا تراميم وړاندې كړے شول كوم چې رد كړے شول۔ د دوهم وزير حماد اظهر لخوا هم په مالي بل كښې د حكومت تراميم وړاندې كړے شول كوم چې ايوان د رايو په كثرت سره منظور كړل۔ د دې نه پس حماد اظهر مالي بل 2019م بېلا بېلو بدلونونو سره په ايوان كښې منظورې لپاره وړاندې كړو كوم چې ايوان
