گلگت – 02 – سيپٽمبر (اي پي پي) وزيراعظم محمد شهباز شريف گلگت ۽ غذر جي ٻوڏ متاثر علائقن جي دوري جي موقعي تي گلگت ۾ ششپر گليشيئر هنزه جي ٻوڏ متاثرين ۾ امدادي چيڪ ورهايا. وزيراعظم آفيس جي ميڊيا ونگ پاران جاري بيان موجب گلگت ايئر پورٽ تي منعقد تقريب ۾ وزيراعظم ششپر گليشيئر جي ٻوڏ متاثر 9 ماڻهن جن جا گهر مڪمل طور تي تباهه ٿيا، انهن ۾ في ڪس 8 لک رپيا ۽ اهڙا 6 متاثرين جن جي گهرن کي جزوي نقصان پهتو، انهن ۾ في ڪس 5 لک رپيا ماليت جا چيڪ ورهايا.
