ثمرقند – 16 – سيپٽمبر (اي پي پي) وزيراعظم محمد شهباز شريف آرمينيا پاران اشتعال انگيز حملي ۾ 70 آذربائيجاني فوجين جي مارجڻ تي افسوس جو اظهار ڪيو آهي. پنهنجي ٽوئيٽ ۾ هن آذربائيجان جي صدر کي مخاطب ٿيندي چيو ته پيارا ڀاءُ! آرمينيا جي اشتعال انگيز حملي ۾ 70 آذربائيجاني فوجين جي مارجڻ واري خبر ٻڌي ڏک ٿيو. پاڪستان جي عوام آذربائيجان جي ڀائرن سان يڪجهتي جو اظهار ڪري ٿي ۽ علائقائي سالميت جي تحفظ جي انهن جي حق جي مڪمل حمايت ڪري ٿي.
