اوستا محمد -10 سيپٽمبر (اي پي پي) وزيراعظم محمد شهباز شريف ۽ گڏيل قومن جو سيڪريٽري جنرل انتونيو گوتريش بلوچستان ۾ ضلع جعفر آباد جي تعلقي اوستا محمد جو دورو ڪرڻ لاءِ پهچي ويا. چيف سيڪريٽري بلوچستان ٻنهي اڳواڻن کي بلوچستان ۾ ٿيل ٻوڏ سبب تباهڪارين، متاثرن جي رليف ۽ ريسڪيو ۽ تباهه ٿيل بنيادي ڍانچي جي بحالي لاءِ جاري ڪوششن تي بريفنگ ڏني. جنهن کان پوءِ ٻئي اڳواڻ امدادي ڪمن جو جائزو وٺڻ لاءِ ٻوڏ متاثرن جو حال ڏسڻ لاءِ انهن سان ملاقات ڪندا، انهن جي علاج لاءِ لڳايل ميڊيڪل ڪيمپن ۽ انهن جي ٻارن جي تعليم جو عمل جاري رکڻ لاءِ قائم ڪيل عارضي اسڪولن جو به دورو ڪندا.
